انڈونیشیا، دلچسپ حقائق : انڈونیشیا 18 ہزار سے زائد جزائر پر مشتمل ہے

٭ دنیا کا سب سے بڑا پھول رافلیشیا اَرنولڈی انڈونیشیا کے جزیرے سماٹرا میں پایا جاتا ہے۔ اس کا وزن سات کلوگرام تک ہو سکتا ہے۔ اس کی پتیاں 1.6 فٹ لمبی ہوتی ہیں۔ 

٭ دنیا میں سب سے زیادہ مسلمان انڈونیشیا میں رہتے ہیں۔ 

٭ انڈونیشیا 18 ہزار سے زائد جزائر پر مشتمل ہے۔ 

٭ آتش فشانی سے وجود میں آنے والی دنیا کی سب سے بڑی جھیل ’’ٹوبا‘‘ انڈونیشیا میں ہے۔ یہ عمل 70 ہزار برس قبل ہوا۔ 

٭ بدھ مت کا سب سے بڑا ٹمپل مرکزی جاوا میں ہے۔ اس کا نام بوروبڈور ہے۔ اس میں گوتم بدھ کے سیکڑوں مجسمے ہیں۔ 

٭ فیفا ورلڈ کپ میں ایشیا کی پہلی ٹیم انڈونیشیا کی تھی جو ڈچ ایسٹ انڈیز کے نام سے شامل ہوئی۔ اس نے 1938ء میں کوالیفائی کیا لیکن ہنگری سے 6-0 سے ہار گئی۔