ترکی کی تاریخ کے عظیم ترین منصوبے پر کام شروع

نائب وزیر اعظم و حکومت ترجمان بیکر بوزداع کا کہنا ہے کہ سن 2023 میں ترکی جوہری توانائی سے استفادہ کرنے والے ممالک کی صف میں شامل ہو جائیگا بوز داع نے مرسن میں آک قویو نکلیئر پاور اسٹیشن کا سنگ بنیاد ڈالے جانے پر اپنے جائزے پیش کرتے ہوئے کہا کہ یہ ترکی کے لیے ایک تاریخی موقع ہے ، کیونکہ ترکی کو جدید ملکوں کی صف میں مزید مضبوطی دلانے میں معاون ثابت ہونے والے ایک عظیم سطح کے منصوبے کا سنگ بنیاد صدر رجب طیب ایردوان اور روسی صدر ولا دیمر پوتن نے ڈال دیا ہے۔ انہوں نے بتایا کہ "یہ جمہوریہ ترکی کی تاریخ کا عظیم ترین منصوبہ ہے"جس سے قیامِ جمہوریت کی صد سالہ سالگرہ کے برس سن 2023 سے استفادہ کیا جانے لگے گا، اس جوہری بجلی گھر سے ترکی کی بجلی کی کھپت کے دس فیصد کو حاصل کیا جائیگا۔