فلسطینی لڑکی احد تمیمی کو اسرائیل سیکورٹی فورسز کی جانب سے اس کے گھر سے اس کی والدہ کے ہمراہ حراست میں لے لیا گیا ہے۔ حراست میں لیے جانے کے بعد اس کو کئی بار اسرائیلی فوجی عدالت کے رو برو پیش کیا گیا ہے۔ احد تمیمی ایک بچی اور سویلین ہے ۔ دنیا میں اس قسم کی کوئی مثال نہیں ملتی ہے جس طرح اس کو فوجی عدالت کے رو برو پیش کیا گیا ہے۔ دنیا کے چاروں اطراف سے احد تمیمی اور دیگر فلسطینی بچوں کو حراست میں لیے جانے کے خلاف تمام عالمی انسانی حقوق کی تنظیموں اور اداروں نے ان بچوں کو رہا کروانے کے لیے اپنی کاروائیوں کا آغاز کر رکھا ہے لیکن اس کے باوجود ان کے اپیلوں کی ذرہ بھر بھی کوئی پرواہ نہیں کی گئی ہے اور فوجی عدالت نے اسے آٹھ ماہ کی قید کی سزا سنا دی ہے۔
احد تمیمی ایک بچے ہونے کے باوجود اسے زنجیروں اور ہتھکڑیوں سے باندھ کر عدالت لایا گیا۔ عدالت میں اس طریقے سے لانے سے قوانین کی بڑے پیمانے پر خلاف ورزی کیے جانے کا پتہ چلتا ہے۔ بچوں کو پرسکون اور امن سے رہنے دو۔ انہیں جنگ کا آلہ کار نہ بنایا جائے۔ تمام مذاہب اور نظریات میں جنگ سے متعلق بھی قوانین موجود ہیں۔ تمام مذاہب کے مطابق جنگوں کے دنوں میں بھی بچوں کا خصوصی خیال رکھا جاتا ہے اور ان کا تحفظ کیا جاتا ہے۔ چھوٹے چھوتے بچوں کو حراست اور قید میں لیتے ہوئے تم بہت بڑا جرم سرزد کر رہے ہو ۔ میں آپ کو کھلے عام کہہ رہی ہوں ۔ آپ احد کو چھوڑ دیں اور مجھے گرفتار کر لیں ۔
